هێزێکی گەریلا گەیشتە ناو شاری کەرکوک
10:45
تشرینی یەکەم
21
/ 2016
ژنها
کەرکوک - به‌ره‌به‌یانی ئه‌مڕۆ چه‌ته‌کانی داعش په‌له‌ماری چه‌ندین گوند و گه‌ڕه‌ک و ده‌زگایی ئه‌منی شاری که‌رکوکیاندا و فەرماندەیەکی یەژاستاریش ئاماژە بەوە دەکات کە هێزێکی بە هاناوەچوونیان ڕەوانەی کەرکوک کردوە.
نوەیلا سیڤەرەک، فەرماندەیەکی هێزەکانی گەریلا لە شاری کەرکوکە و لەسەر بارودۆخی کەرکوک بە ژنهای ڕاگەیاند هێزەکانیان لە ئامادەباشیدان بۆ وەڵامدانەوەی هەر هێرشێک لە هەر شوێنێک.
ئەو فەرماندەیەی یەژاستار ڕاشیگەیاند: "هێزێکی بەهاناوەچوونمان ناردۆتە کەرکوک و ئێستا لە شاری کەرکوک بەرامبەر بە هێرشی چەتەکانی داعش سەنگەریان گرتوە.
لە بەردەوامی قسەکانیدا ناوبراو ئاماژەی بەوەدا کە هێزەکانی گەریلا شانبەشانی سەرجەم هێزەکانی ناوچەکە بۆ پاراستنی گیان و ماڵی هاوڵاتیان لە ئامادەباشیدان.
(ش ب)