تەنها هوتێل کەرکوک ماوە کۆنتڕۆڵ بکرێت
19:14
ژنها
کەرکوک – لە ئەنجامی هێرشی چەتەکانی داعش بۆ ناوەڕاستی شاری کەرکوک نزیکەی ٢٠ هاوڵاتی و هێزە ئەمنیەکانی شەهید بوونە و زیاتر لە ٤٠ کەسیش بریندار بوونە.
بەرەبەیانی ئەمڕۆ کۆمەڵێک لە چەتەکانی داعش دزەیان کردوەتە ناو شاری کەرکوک و بەچەند گەرەکێکدا بڵاویان کردەوە و لە هەر گەڕەکێک شوێنێک ئەمنیان کردوەتە ئامانج، لە هەموو شوێنەکان هەموو چەتەکانی داعش کوژراون، جگە لە هوتێلێک بەناوی هوتێل کەرکوک کە تا ئێستاش ژمارەیەک لە چەتەکانی داعش لە نهۆمی سێیەم و چوارەمی هوتێلەکە جێگیرن و بە قەناس و چەکی دیکە تەقە لە خەڵکی کەرکوک دەکەن.
بەگوێرەی دواین زانیاریەکان، تا ئێستا نزیکەی ٢٠ شەهیدی هێزە کوردییەکان و هاوڵاتی مەدەنی هەیە و نزیکەی ٤٥ برینداریش گەیەندراونەتە نەخۆشخانەکانی شاری سلێمانی.
هەروەها بە گوێرەی زانیاریەکان، نزیکەی ٤٠ چەتەی داعش لە شوێنە جیاجیاکانی کەرکوک کوژراون.
(ش ب)