٨٦%ی ژنان لە باشوری کوردستان بێ کارن
16:02
ژنها
ناوەندی هەواڵ - وەزیری كاروكاروباری كۆمەڵایەتی ئاشكرایدەكات كە ١٤% ژنان لە هەرێمی كوردستان كار دەكەن و دەشڵێت"لە هەوڵی بەرزكردنەوەی ئەو رێژەیەین بەتایبەت لە كەرتی تایبەت و كاری سەربەخۆ".
بەپێی هەواڵێکی دەزگای دواڕۆژ، محەمەد هاودیانی، وەزیری كاروكاروباری كۆمەڵایەتی ئەمرۆ لە میانەی مەراسیمێكدا کە بۆ بەخشینی بڕوانامەی خولێكی پانزە رۆژی كە بۆ ٧٦ ژن كرابووەوە بۆ فێربوونی كۆمپیوتەر و درومانی و تەندروستی كۆمەڵایەتی رایگەیاند"تاوەكو ئێستا تەنها ١٤% ژنان لەكاردان و لەم رێژەیە تەنها ٣%یان لە كەرتی تایبەتن و ئەوانی تر لە كەرتی گشتیدا كاردەكەن".
ناوبراو باسی لەوەشكردوە وەك وەزارەتی كار لە هەوڵی بەردەوامدایە بۆ ئەوەی ژنان زیاتر بكەونە سەر كاری خۆیان و بۆ ئەو مەبەستە لەسەرتاسەری كوردستان خولی تایبەتیان كردۆتەوە.
ڕێژەی بێکاری لە باشوری کوردستان بۆ ژنان لە ئەنجامی قەیرانە یەک لە دوای یەکەکانە کە قوربانی یەکەمی ژنان، بەتایبەتیش قەیرانی ئابوری.
(ش ب)