بە هۆی سوتانەوە ١٣ کچە خوێندکار ژیانیان لە دەستدا
13:22
تشرینی دووەم
30
/ 2016
ئەدەنا - لە شارۆچکەی ئالاداخی سەربە شاری ئەدەنەی تورکیا، ئاگرێک لە ناو بەشە ناوخۆیی خوێندکاران کەوتەوە و لە ئەنجامدا ١٣ کچە خوێندکار سوتان و گیانیان لەدەستدا.
ئێوارەی دوێنێ لە گەڕەکی سینان پاشای شارۆچکەی ئالاداخی سەربە شاری ئەدەنە، بە هۆکارێکی نەزانراو ئاگرێک لە بەشە ناوخۆیی خوێندکارانی کچ کەوتەوە و بە هۆیەوە ١٣ خوێندکار گیانیان لەدەستدا.
زۆربەی ئەو خوێندکارانەی سوتاون خەڵکی گوندەکانی دەوروبەری شارۆچکەکە بوون و بۆ خوێندنی قۆناغی ئامادەیی و ناوەندی کە لە گوندەکانیان نیە، چووبوونە ئەو شارۆچکەیە.